ინტელის ტრენინგების დასასრული

დამთავრდა ჩვენი შრომატევადი,ძალიან საინტერესო და მრავლისმომცემი  ინტელის ტრენინგები. სასიამოვნო იყო ჩვენი დავალებების- პროექტის პრეზენტაციების მოსმენა და უკუკავშირი ქალბატონი ლალისა   და კოლეგებისგან.შენიშვნები, რეკომენდაციები იყო შესაბამისი და ობიექტური. გადავხედეთ  და მოვაწესრიგეთ  ჩვენი პორტპოლიოებიც    .ჩამოვტვირთეთ ფასილიტაციის და  რუბრიკების ნიმუშებიც.დიდი მადლობა  უსაზღვრო და უშურველი ენერგიის მქონე ქალბატონ ლალის!!!!  

მეშვიდე დღის რეფლექსია

დღევანდელი  დღეც  ისეთივე აქტიური და შრომატევადი  იყო,როგორც  სხვა დღეები,განვიხილეთ დავალებები-მოსწავლის სავარაუდო  ნაშრომის პრეზენტაცია,მივიღეთ უკუკავშირი,ვისწავლეთ დრაივიდან  ბლოგზე  მოსწავლის  პრეზენტაციის გადატანა,დავალებად  გვაქვს პროექტის გეგმის შაბლონის დასრულება და  შეფასების  რუბრიკის შევსება..

მოსწავლის პრეზენტაცია

მეექვსე დღის რეფლექსია

როგორც ყოველთვის,დღესაც მთელი დატვირთვით   ვიმუშავეთ, გავარჩიეთ საშინაო დავალებები,ანუ, უკუკავშირი მივიღეთ მწვრთნელისგან, ვისწავლეთ მოსწავლის  სავარაუდო ნაშრომის პრეზენტაციისთვის  სლაიდების,სქემებისა და  დიაგრამების გაკეთება.

მეხუთე დღის რეფლექსია

საკმაოდ შრომატევადი დღე გვქონდა,ვისწავლეთ,როგორ ვიმუშაოთ ბლოგზე,როგორ ჩავამატოთ გვერდები,როგორ გავასაჯაროოთ პორტპოლიო,გავეცანით შეფასების დროის ჩარჩოს,რომლის შევსებაც გვაქვს საშინაო დავალებად,საინტერესო სამუშაოებია.

lalig-inteledu.blogspot.com

მიმართულების მიმცემი საკვანძო კითხვები:


ზოგადი-რა არის სიყვარული?

თემატური 1.როგორ ცვლის ეკონომიკა ადამიანების დამოკიდებულებას სიყვარულის მიმართ?

           2. რამდენად შეიცვალა დღეს "დარისპანის გასაჭირის"პერსონაჟებისეული ზედმეტად პრაგმატულობა სიყვარულისა და ოჯახის მიმართ ?
 
   შინაარსობრივი 1.რომელი ლიტერატურული მიმდინარეობის წარმომადგენელია დავით კლდიაშვილი?
                     2.რა არის დამახასიათებელი   რეალიზმისთვის?

მეოთხე დღის რეფლექსია

გავიხსენეთ წინა მასალა,გავეცანით მიმართულების მიმცემი საკვანძო კითხვების ტიპებს,ვიმუშავეთ ჩვენი პროექტის თემასთან დაკავშირებული კითხვების ფორმულირებაზე,მოგვეცა საშინაო დავალება.

პროექტის მიზნები

მოსწავლეები შეძლებენ

• დ.კლდიაშვილის"დარისპანის გასაჭირის" შესწავლის შემდეგ  გამოკვეთონ პრობლემა,თუ რა არის ოჯახის შექმნის წინაპირობა-გარანტი.
• შეადგინონ კითხვარი,ძველი და ახალი თაობის წარმომადგენლებს ჩამოართვან ინტერვიუები და შეადარონ-შეაპირისპირონ.
• მოიძიონ ძველი და ახალი დროის სასიყვარულო წერილები (ბეჭდურ და ციფრულ წყაროებიდან),
• შეაჯერონ, გააანალიზონ მოძიებული მასალა და ინტერვიუები,გამოკვეთონ ოჯახისთვის მთავარი ფასეულობები.
• დაწერონ ესე - რა არის ჩემთვის ოჯახი?
• შექმნან ბლოგი - ოჯახი სიყვარულია!

მესამე დღის რეფლექსია

       დღეს ვიმუშავეთ პროექტის იდეის სრულყოფაზე, გადავხედეთ ესგ-ს,მოვიძიეთ სტანდარტების შესაბამისი პუნქტები, შევიმუშავეთ პროექტის მიზნები და გავეცანით  21-ე საუკუნის უნარ-ჩვევებს.

სტანდარტები

ქართ. VIII. 1. მოსწავლეს შეუძლია კონკრეტულ საკითხებზე მსჯელობის მოსმენა და საკუთარი თვალსაზრისის წარმოდგენა აუდიტორიის წინაშე.

შედეგი თვალსაჩინოა, თუ მოსწავლე:

·         სვამს კონკრეტულ საკითხს (კონკრეტული საკითხი ლიტერატურული ნაწარმოებიდან, რაიმე მნიშვნელოვანი რეალური ყოფითი ფაქტის განხილვა, ისტორიული მოვლენის შეფასება და ა. შ.) და ისმენს სხვების აზრს ამ საკითხთან დაკავშირებით;

·         მსჯელობს სათანადო არგუმენტაციის მოხმობით და თანამიმდევრულად ავითარებს თავის მოსაზრებას;

·         მსჯელობიდან გამოაქვს ადეკვატური დასკვნა;

·         საკუთარი მოსაზრების გასამყარებლად იყენებს ციტატებს საინფორმაციო წყაროებიდან, სხვადასხვა ფაქტს, სტატისტიკურ მონაცემებს, ფრაგმენტებს ინტერვიუდან და ა. შ.;


21-საუკუნის უნარ-ჩვევები

●     საღი მსჯელობა და აღქმა;

●     რთული არჩევანის გაკეთება და გადაწყვეტილებების მიღება;

●      ინფორმაციის ეფექტურად და ეფექტიანად მოპოვება, კრიტიკული და კომპეტენტური შეფასება, ინფორმაციის ზუსტად და შემოქმედებითად გამოყენება მოცემულ საკითხთან თუ პრობლემასთან დაკავშირებით;

მეორე დღის რეფლექსია

საინტერესო,შრომატევადი და პროდუქტული დღე გვქონდა,ვისწავლეთ პროექტით სწავლის საქაღალდის შექმნა,დოკუმენტების ჩამაგრება,ბლოგის ფონის შეცვლა,რაც ,ვფიქრობ,სახალისოს გახდის გაკვეთილს ,მადლობა მშვიდ და მაღალპროფესიონალ ტრენერს.

პროექტის იდეა

      მტკიცე ოჯახი ძლიერი სახელმწიფოს საფუძველია,მტკიცე ოჯახის საფუძველი კი სიყვარული,თუმცა სხვადასხვა დროს სხვადასხვა პრიორიტეტებია ოჯახის შეესაქმნელად. ეკონომიკური მდგომარეობა ხშირად განსაზღვრავს ადამიანების მორალს.   დ კლდიაშვილის ნაწარმოებ "დარისპანის გასაჭირის"პერსონაჟების" ზნეობას სწორედ მატერიალური მდგომარეობა აკნინებს იმ წმინდა საკითხთან დაკავშირებით,როგორიცაა ოჯახი, მათ მხოლოდ ანგარება ამოქმედებთ, ეს კი გარკვეული პრობლემაა. საინტერესოა ,დღეს რა ხდება? ამიტომ საკითხის გასარკვევად  მოსწავლეები  ძველი და ახალი თაობის წარმომადგენლებთან გააკეთებენ ინტერვიუებს,მოიძიებენ ძველი დროის სასიყვარულო წერილებს,თანამედროვე წერილებს,შეადარებენ ერთმანეთს,გამოკვეთენ იმ ფასეულობებს,რომელიც საჭიროა ჭეშმარიტი ოჯახისთვის,იმსჯელებენ დღევანდელობაზე და დაწერენ ესეს თემზე-რა არის ჩემთვის ოჯახის სიმყარის გარანტია?
        შექმნიან ბლოგს-ოჯახი-სიყვარული!!!

ინტელის ტრენინგი დაიწყო

ინტელის ტრენინგებთან დაკავშირებით დიდი მოლოდინი და მზაობა გვაქვს,რადგან თანამედროვე მასწავლებელსა და მოსწავლეს შორის დიდი ტექნოლოგიური ბარიერი არ იყოს,პროექტებით სწავლება ტექნოლოგიების გამოყენებით ძალზე საჭირო და ეფექტურია, ამიტომ, ვფიქრობთ, ინტელის ტრენინგები მოგვამზადებს შესაბამისად